Nails Colour health tips: प्रत्येक मुलीला सुंदर आणि मजबूत नखे हवी असतात. पण, व्यग्र जीवनशैलीमुळे नखांची काळजी घेणे कठीण होते. तुमचीही नखे लगेच तुटतात किंवा वाढतच नाही का? तसे असल्यास, हे कमकुवत नखांचे लक्षण असू शकते. ही समस्या पुरुष आणि स्त्रिया दोघांमध्ये सामान्य आहे आणि विविध कारणांमुळे ती होऊ शकते. काही प्रकरणांमध्ये कोरडे हवामान किंवा वारंवार हात धुणे यांसारखी बाह्य कारणे असू शकतात. तर बऱ्याचदा अंतर्गत घटक, मुख्यतः आपल्या आहारामुळेही नखे कमकुवत होऊ शकतात. जर आपण योग्य पोषक घटकांचा आहारात समावेश केला नाही, तर त्याचा दुष्परिणाम आपल्या नखांवर होतो. तुमची नखे तुमच्या आरोग्याविषयी कितीतरी माहिती देऊ शकतात हे जाणून तुम्हाला आश्चर्य वाटेल. अलीकडेच पोषणतज्ज्ञ सिमरुन चोप्रा यांनी त्यांच्या अधिकृत इन्स्टाग्राम पेजवर याची माहिती दिली आहे.